chicago.gid3an استمتع بـ اقوي الحصريات اغاني عربي / اغاني انجلش/ اغاني راب / افلام عربي / افلام اجنبي


    اه يادنيا الجزء الثانى

    شاطر
    avatar
    i dont speak
    عـضـو مـهـم
    عـضـو مـهـم

    عدد المساهمات : 110
    تاريخ التسجيل : 31/05/2009

    اه يادنيا الجزء الثانى

    مُساهمة من طرف i dont speak في الخميس يونيو 04, 2009 3:31 pm



    ما صار في ميس..

    ثاني يوم الجامعة.. ميس ما راحت الجامعة طبعا وكلها عياط في عياط..

    دخلت عليها امها ..

    ام عبد الله : يمة حبيبتي انتي تحبيني ؟
    ميس : ..........

    ام عبد الله : ميس يمة شفيج ؟

    ميس : يمة ما فيني شي الله يخليج تركيني

    ام عبد الله : ما اتركج وانتي بهالحالة فاهمة ؟

    ميس بكت اكثر: يمة الله يخليج تركيني الله يخليج لو تحبيني اووكي؟

    ام عبد الله : اوكي يمة الله يهديج وتخبريني شنو صايرلج.
    ميس : ان شاء الله يمه

    راحت ام عبد الله وميس كملت حزنها وذكرياتها..اه يا فيصل ليه

    كذا..بعد الانتظار انا من انت بالأعدادية وانا بذبح نفسي عليك بعدين

    بكل سهووولة تختار وحده غيري..اه يا الزمن الدوار..حسبي الله ونعم

    الوكيل منج يا رحاب..بس والله لازم انا انتقم منج..تاخذيه وهو ما عرفج الا شهور..وانا اعرفه سنوات ما ياخذني..


    روااااء طبعا اليوم بتنفذ اللي فكرت فيه امس..

    طبعا راحت ومشت ورا فيصل وبغت تشوفه وين بيروح فشافت معاه

    بنت..
    عرفت انه هاي هي رحاب لان سمعتهم وهم يتكلمون عن الزوااااج.

    راحت له.. فيصل ممكن بس لحظات..عن اذنج رحاااب

    فيصل : اوكي رواء روحي الكفتريا انا يايج الحين ..

    راح فيصل ولكا رواء حاطه ايدها على خدها وسرحانه..

    فيصل : رواء ممكن اعرف الموضوع اللي بغيتيني فيه؟

    رواء: ليه تترك وحده حبتك من 5 سنوات .. وهي خافية حبها ليك ..

    وخافية عشقها لك..كذا يا فيصل تتركها بمجرد شفت وحده غيرها

    ابهرتك بجمالها .. ليه يا عبد الله ترا هي الحين كاتله روحها وبتذبح
    روحها..وثق لو صار فيها شي انت السبب يا فيصل..

    فيصل مستغرب : رواء على من تقصدين الكلام ؟
    رواء : ميس يا فيصل .. ميس اللي تقدمو لها اكثر من شخص وهم ما

    ينعابون بشي .. لكن هي كانت عندها امل ان بييجي يوم وبتخطبها

    فيه .. وتالي بعدين تخليها وتمشي عنها وتختارلك وحده عرفتها لمدة
    صغيرة بس ؟؟؟
    فيصل : معقولة ؟ ميس كل هالسنوات تحبني وانا مو داري عنها ؟

    رواء : اي يا فيصل اي .. وتحبك اكثر من ما تتصور ... ميس بتموت يا

    فيصل .. وحالتها حالة ؟ والحين هي مو مداومة بهذا السبب ما تبي تشوفك بعد ..
    ........................................

    فيصل : اه يا ميس والله مدري عنج

    رواء : شنو ما تدري عنها .. تفتكر اللي سويته صح ؟

    فيصل: بس هي ما كالتلي اي شي او حتى ولو وضحتلي بشي انها تحبني .. اه ياربي شسوي الحين

    رواء : الحين شنو تسوي ؟

    فيصل : والله ما ادري .. مممم...اكول عطيني رقم تليفونها.
    .
    رواء : ممكن اعرف السبب؟

    فيصل: رواء بليز عطينياه بسرعة

    رواء: اوكي . 12345678 .. بس الله يخليك اسمحلي انا بعطيك

    رقمي عشان تطمني باللي يصير 123456789

    فيصل : اوكي عن اذنج ومشكورة والله مو عارف انسى جمايلج

    رواء : هذا الواجب اخ فيصل وارجوك اتصل فية وطمني..
    فيصل : حاضر .. في امان الله
    رواء : بحفظ الرحمن.
    ........................................ .......... ....

    وميس في عالم ثاااني .. وتفكر وتدمع

    وقاطعها التفكير برنه جوالها .

    ميس بدون حتى تشوف منو .. وبكل حزن والتعب باين عليها..الو

    فيصل : مرحبا ميس

    ميس : كامت من السرير : مين ؟ وليك وجه تكلمني بعد ؟ وقفلت بوجها
    فيصل : يارب والله ضميري يأنبني .. اوكي برسل لها مسج ..

    ورسل مسج فيصل وكتب ( ميس الله يخليج افهميني .. انا ممكن اصلح

    غلطتي بس الله يخليج خلينا نتفاهم .. لو اتصلت وما رديتي يا ميس تنسين ان لج ولد عم وحبيب اسمه فيصل )

    ميس : يارب بشنو يفكر هذا .. اوكي خلاااا يتصل واشوف شيبي ..
    ورن جوالها وبكل حزن: الو

    فيصل ارتاح : ميس مشتاقلج ولج وحشة في الجامعة ؟ مشتاقلج موووت

    ميس مستغربه ومسحت دموووعها : اي مبين واااايد عليك يا ... ؟ ما تبي تلفظ اسمه من حقدها عليه..

    فيصل : اسمعي ميس بكرا الكيج في الجماعة بكولج كلام مهم

    فاهمة .. كلام يحدد لج مستقبلج.

    ميس : بعد شنو يا فيصل ؟ بعد الصدمة وبعد هالسنوات كلها ؟

    فيصل : الحمد لله بعدنا للحين ما بدينا .. بكرا في الفسحة اشوفج .. يا احلى ميوسة في الدنيا
    ..
    ميس : مع السلامة فيصل .. يصير خير
    ميس من بعد ما غلقت .. ارتاحت مرة وكالت فيه امل انه يحبني ..

    .......................................


    رواء تفكر .. يا ترى شتسوى فيصل ..

    وبعد تفكير رن جوالها واستغربت من الرقم : الو

    فيصل : هلا رواء انا فيصل.

    رواء : هلا فيصل بشر اخوي شسويت ؟

    فيصل : الحمد لله كل خير .. كتلها بكرا لازم اتكلم معاج .. وبكرا بكولج اللي يصير ان شاء الله

    رواء : مشكور فيصل ما تقصر.. بس في سؤال محيرني .. ورحاب شلون ؟ بتتركها ؟

    فيصل : بتعرفين بعدين

    رواء : اوكي ان شاء الله خير.. مع السلامة فيصل .. اشوفك ببخير بكرا ان شاء الله

    فيصل : في حفظ الرحمن.
    ........................................ .......... .......................


    طبعا عبد الله من كثر ما اشتاق لسارة اتصل فيها ..

    سارة بفرحة لانها بعد تحبه : هلا عبد الله

    عبد الله : هلا بهالصوت وغلا..

    سارة : هلا فيك شخبارك.

    عبد الله : مشتاقلج يا سارة . احبج . اموت فيج

    سارة ويها احمر وما اعرفت شنو تكول : اكول شلون اليوم الدراسة ؟

    عبد الله : يا ويلي على المستحي خههههههههههههه

    سارة : عبد الله

    عبد الله: عيونه

    سارة : تسلم .. ميس ما ادري اشفيها يا عبد الله

    عبد الله .. والله هي في غرفتها من امس .. ما ادري اشصار

    انا بعد شوية بروحلها وبحاول اعرف اشفيها.

    سارة : اي زين بس طمني اوكي .

    عبد الله : اكيد . في واحد ينسى يطمن زوجته

    سارة استحت : يلا باي
    عبد الله : باي

    عبد الله صعد غرفة ميس لكا النور مطفي وعرف انها نايمة فحب يكلمها بكرا.

    نايف طبعا .. ما قدر يستحمل من اشتياقه لسمر . فقرر انه لما تصير العطلة يكلم امه ويخطبها..

    ........................................ .......... .........

    ثااااني يوم ويوم اللقاء بين الأحبة .. استغرب عبد الله لان شاف ميس كالها : صباح الخير لأحلى اخت

    ميس بدون نفس : صباح النور

    عبد الله : ها حبيبتي تروحين الجامعة اليوم

    ميس : اي اكيد بس انا كنت مريضة وما كدرت اداوم ممكن نروح؟

    عبد الله : اكيد تفضلي حبيبتي ..

    ميس : نايف ما يداوم؟

    عبد الله : لا اليوم عندهم هوليداي ؟

    ميس : اها يلااا نروح تأخرنا

    عبد الله : اوكي

    عبد الله تطمن انها ما فيها شي وعرف انها مريضة.

    ميس ساكته طول الطريق وتفكر في فيصل
    وعبد الله يفكر فيها..

    ولما وصلو .. اول ما دشت فيصل كان واقف وفرح لما شافها .. واول مرة يحس بجمالها وروعتها

    اول ما نزلت وبدون نفس : سلام

    فيصل : هلا بعمري وقلبي .. عليكم السلام

    ميس استغربت : باي اشوفك في الفسحة.
    فيصل : بشتاقلج

    طنشته وراحت .. في نفسه .. والله بخليج تموتين فيني يا احلى ميوسة ..

    ........................................ .......... ......................

    بعدين شاف عبد الله

    فيصل : هلا حبيبي

    عبد الله : هلا فيصل شخبارك ؟

    فيصل : تمام الحمد لله ؟ وانت شخبارك ؟ شخبار الدراسة ؟

    عبد الله : الحمد لله تماااام
    فيصل : دوووم .. اكول يلاا بروح المحاضرة بدت..

    فيصل طول المحاضرة هو يفكر .. قرر يطلع لانه اختنق من الدروووس

    طلع وهو لما طلع تقريبا باقي نص ساعة والفسحة

    بعدين شاف ميس الملاك جات من بعيد..

    يا ترى هل فيصل بيترك رحاااب ؟ ولا يترك ميس ؟
    وهل لو ترك ميس ؟ ميس تسوي شي لرحاب ؟
    وهل نايف بيخطب سمر ؟ ولا في شي يعكر عليهم ؟؟

    كل هذا بتعرفـــــــــــــــــــــوه في الجزء الثالث
    مع قصة .. اه يادنيا الحباااايب


    MIMO
    عضو ماسي
    عضو ماسي

    عدد المساهمات : 246
    تاريخ التسجيل : 12/09/2009
    الموقع : chicago.gid3an

    رد: اه يادنيا الجزء الثانى

    مُساهمة من طرف MIMO في الثلاثاء فبراير 09, 2010 4:59 pm

    مشكوووووووووووووووووور

      الوقت/التاريخ الآن هو السبت أكتوبر 20, 2018 2:55 pm